●●● ●●● اذا انا مغرور انت شيسمونك ؟ ●●● ●●●

لا تسلم عليه وتقول اشلونك .. ولا تقول قلبي عليك سالي

ولا تجيب اسمي على لسونك .. ولا تقول انى شخص غالي

ولا تفكر انى صرت مجنونك .. ماخذ عقلي ومشتت لي خيالي

قلبي هديته بعيد عن اشجونك .. اللي يجي على بالي ويطرالي

لا تقولي انت مغرور ينادونك .. وانت عديم احساس مثل الجبالي

بس لانى فضلت اعيش دونك .. وما عطيتك منى وقتى ونشغالي

واذا انا مغرور انت شيسمونك ؟ .. بلتزم صمتى وهذا من افعالي

ودام عندك ناس بالحب يغلونك .. مالك ومال المغرورين امثالي

ياريت تحب الناس اللى يحبونك .. ودامني مغرور خلنى اسير بحالي

التواضع تسميه غرور بعـيونك .. كلن يرا الناس بطبع الليالي

كنت ازعل لما هم يلومونك .. لين تاكدت واسلوبك اكبر دلالي

روح اللى يحب راسك ومتونك .. وتلاقي اللى تبيه منه وننالي

خذ هالنصايح جايز بيوم ينفعونك .. لا تكابر وتعتبر الغير جهالي

وخل الغرور وحب على هونك .. الله يوفقك وتلاقي ابن الحلالي

واذا بيوم جا اسمك وطرونك .. اقولهم تجمع بينا الاخوه والاهالي